Beint að efninu
Utanríkisráðuneyti Finnlands

Listasafn Íslands sýnir verk Elinu Brotherus - Finnska sendiráðið, Reykjavík : Efst á baugi

FINNSKA SENDIRÁÐIÐ, Reykjavik

Box 1060
IS-121 Reykjavik, Island
Netfang: sanomat.rey@formin.fi
Sími: +354 - 5100 100
Íslenska | Suomi | Svenska | 
Venjulegt leturStærra letur
 
Fréttir, 13.2.2018

Listasafn Íslands sýnir verk Elinu Brotherus

Listasafn Íslands sýnir 16.2.2018 - 24.6.2018 ný verk eins þekktasta ljósmyndara samtímans, Elinu Brotherus.

Elina Brotherus

Elina Brotherus (f. 1972 í Finnlandi) fæst að mestu við gerð sjálfsmynda og landslagsmynda. Í verkum Elinu má skynja sterka nálægð hennar sjálfrar en hún kemur fyrir í öllum ljósmynda- og vídeóverkum sýningarinnar, berskjölduð og hispurslaus. Verkin eru unnin á árunum 2016-2017 og einkennast af marglaga frásögnum sem sveiflast á milli kímni og trega. Í mörgum þeirra setur Elina sér leikreglur og fer eftir þeim innan ramma myndavélarinnar, sem er í senn leikfélagi hennar og sálarspegill.

Verk Elinu vöktu snemma athygli vegna nálgunar hennar á notkun ljósmiðla til endurspeglunar á tilfinningalífinu og leikriti hins daglega lífs. Hún kannar persónulegar en í senn sammannlegar upplifanir, sjálfsmyndina, tímahugtakið, nærveru og fjarveru ástarinnar.

Elina Brotherus nam ljósmyndun í Helsinki og býr í Finnlandi og Frakklandi. Hún hóf að sýna verk sín í lok 10. áratugarins sem hluti af hinum þekkta Helsinki School hópi ljósmyndara í Finnlandi og hafa verk hennar síðan verið sýnd víða, s.s. í Centre Pompidou í París; Neue Berliner Kunstverein í Berlín; Þjóðarlistasafni Finnlands Ateneum í Helsinki og Louisiana nútímalistasafninu í Danmörku. Verk Elinu voru sýnd í i8 Gallery í Reykjavík árið 2000 og á samsýningu í Gerðarsafni í Kópavogi árið 2006.

Sýningarstjóri: Birta Guðjónsdóttir

Sýningin er á dagskrá Ljósmyndahátíðar Íslands 2018
 

Listasafns Íslands:  http://www.listasafn.is/

Elina Brotherus, videoviðtal:https://www.youtube.com/watch?v=Ey5cCRjjfHw

Elina Brotherus, heimasíða: http://www.elinabrotherus.com/

Prenta siðuna

13.2.2018


© Finnska sendiráðið, Reykjavík | Upplýsingar um netsetrið | Hafðu samband