Beint að efninu
Utanríkisráðuneyti Finnlands

Annað - Finnska sendiráðið, Reykjavík : Þjónusta : Annað

FINNSKA SENDIRÁÐIÐ, Reykjavik

Box 1060
IS-121 Reykjavik, Island
Netfang: sanomat.rey@formin.fi
Sími: +354 - 5100 100
Íslenska | Suomi | Svenska | 
Venjulegt leturStærra letur
 

Annað

Aðstoð í ýmsum málum 

Upplýsingar á sænsku um mál sem varða ýmiss konar aðstoð má finna á heimasíðu utanríkisráðuneytisins.

Sendiráðið gegnir einnig því hlutverki að vera tengiliður Finna við önnur yfirvöld í Finnlandi, m.a. í ríkisfangs-, þjóðskrár- og herskyldumálum og einnig vegna kosninga.

  • Persónuupplýsingar 
  • Óskilamunir 
  • Lögbókendamál 
  • Upplýsingar um heimilisföng, útvegun vottorða.

Þjóðskrá

Þjóðskrá Finnlands er skrá yfir alla finnska ríkisborgara. Þar eru bæði skráðir finnskir ríkisborgarar sem heima eiga í Finnlandi en einnig þeir sem búsettir eru erlendis (og eru þannig í utangarðsskrá). Hjá Þjóðskránni er hægt að panta ýmis vottorð.

Persónuupplýsingar 

Ef óskað er upplýsinga um einstakling búsettan í Finnlandi þarf að senda skriflega beiðni um það beint til lagadeildar Utanríkisráðuneytisins:
Ulkoasiainministeriö
Oikeudellinen osasto 
PL 176 00161 Helsinki 
Sími: +358-(0)9-16005

Óskilamunir 

Sendiráðið hefur ekki lögbundna skyldu til að aðstoða í sambandi við óskilamuni. Hugsanlegir óskilamunir sem skilað er til sendiráðsins verða sendir áfram til lögregluyfirvalda í sveitarfélagi eiganda.

Lögbókendamál 

Finnska sendiráðið á Íslandi getur gegnt störfum lögbókanda í einstökum málum:

  • staðfest undirskrift Finna gegn framvísun persónuskilríkja
  • staðfest afrit skjala gegn framvísun frumrits

 Upplýsingar um heimilisföng, útvegun vottorða

Hægt er að nálgast upplýsingar um heimilisföng einstaklinga, sem eru búsettir í Finnlandi, hjá sóknarembætti í viðkomandi sveitarfélagi (sóknarembætti sveitarfélaganna í Finnlandi halda skrá yfir fólk í sínu umdæmi) eða hjá þjóðskrá á staðnum. Ef ekki er vitað í hvaða sveitarfélagi viðkomandi einstaklingur býr, þá fást upplýsingar um hann hjá þjóðskrá Helsinki-borgar:
Sími: +358-(0)9-695 441
Frekari upplýsingar: www.vaestorekisterikeskus.fi
Þjónustuver: 
vottorð, sími +358-(0)9-100 4395
upplýsingar um heimilisföng, sími +358-(0)9-600 010 00
fyrirspurnir um ættingja, sími +358-(0)9-108 098 98

Herskylda

Almennt

Samkvæmt finnskum lögum eru allir finnskir karlmenn herskyldir. Þessi borgaraskylda hefst samkvæmt herskyldulögum,1 gr., í upphafi þess árs sem einstaklingur verður 18 ára og lýkur á sama ári og hann verður 60 ára. Einstaklingi sem býr á Íslandi en er herskyldur í Finnlandi ber að senda innköllunarbréf beint ti baka í eigið herhérað. Finnska sendiráðið aðstoðar einstakling við að útvega farmiða.

Konur eru ekki herskyldar í Finnlandi en konur með finnskan ríkisborgararétt geta einnig sótt um leyfi til að taka þátt í herþjálfun með vissum skilyrðum, en það er þá að þeirra ósk.
Nánari upplýsingar
The Finnish Defence Forces

Ef þú hefur einnig íslenskan ríkisborgararétt:

Einstaklingur sem hefur öðlast ríkisborgararétt í Finnlandi: Einstaklingur af erlendum uppruna sem hefur öðlast finnskan ríkisborgararétt og hefur lokið herskyldu á friðartíma eða að hluta til í upprunalandi sínu (og er ekki enn orðinn þrítugur en hefur verið í herþjónustu að minnsta kosti í sex mánuði) getur sótt um undanþágu til að losna undan finnskri herskyldu á friðartíma. Umsóknin verður send til finnska hersins, nánar tiltekið til Pääesikunta/Huvudstaben.

Finnskur ríkisborgari sem einnig hefur ríkisborgararétt í öðru landi og hefur lokið herskyldu í því landi getur einnig sótt um undanþágu til að losna að öllu leyti eða að hluta til undan herskyldu með sömu skilyrðum og að ofan eru nefnd.

Umsókn: Frjálslega orðaða umsókn um undanþágu þarf að senda herskyldudeild finnska hersins. Í umslaginu þarf að fylgja umsókninni:

  • frjálslega orðað bréf þar sem umsækjandi sækir sjálfur um undanþágu (ekki gleyma undirskriftinni)
  • vottorð um tvöfaldan ríkisborgararétt
  • afrit af hervegabréfinu og þeim síðum þar sem kemur fram hvenær þjónustan hófst og hvenær henni lauk og hvers konar menntun einstaklingurinn fékk á hersklyldutímabilinu.
  • Finnskur ríkisborgari sem einnig hefur ríkisborgararétt í öðru landi getur fengið undanþágu til að losna undan herskyldu á friðartíma þótt engin sérstök ástæða liggi fyrir, ef  aðalhúsnæði og lögheimili umsækjandans er ekki í Finnlandi og hann hefur engin raunveruleg tengsl við Finnland. Viðkomandi verður að sækja um undanþágu.

Umsókn: Í frjálslega orðaðri umsókn (á finnsku, sænsku eða ensku) skal viðkomandi sjálfur óska eftir undaþágu til þess að losna undan herskyldu á friðartíma í Finnlandi. Í umsókninni þarf að koma fram hvers vegna viðkomandi sækir um undanþágu. Gott væri að bæta við að á Íslandi er engin herskylda. Einnig þarf í umsókninni að koma fram ríkisborgararéttur foreldra og í viðhengi þarf að vera listi yfir alla þá staði þar sem viðkomandi hefur verið búsettur og einnig tímabilið sem hann dvaldi þar. Umsækjandi skal einnig skýra frá því ef hann íhugar í framtíðinni að flytjast til Finnlands, og tilkynna einnig núverandi heimilisfang sitt. Þar að auki þarf að skilgreina ættar- og erfðasambönd umsækjanda við Finnland. Viðkomandi verður að skrifa sjálfur undir umsóknina, jafnvel þótt einhver annar hafi samið hana. Ef viðkomandi er enn í óvissu um hvort hann muni einhvern tíma síðar flytjast til Finnlands, á hann fyrst og fremst að senda umsókn sína til síns herhéraðs.

Í viðhengi skulu fylgja vottorð um ríkisborgararétt, fæðingarvottorð og afrit af vegabréfi eða vegabréfum, þar sem ótvírætt kemur fram ríkisborgararéttur umsækjanda ásamt hugsanlegum upplýsingum um hvenær og hvernig hann hefur fengist.

Afritum í viðhengi skulu fylgja vottorð frá löggildum aðila (í starfssviði sendiráðs felast einnig ýms störf lögbókenda).

Prenta siðuna

Þetta skjal

24.9.2008


© Finnska sendiráðið, Reykjavík | Upplýsingar um netsetrið | Hafðu samband